Úrvinda en ánægð

Þessi dagur hefur ekki verið rólegur, en ég verð að segja að það er ánægður frambjóðandi sem leggst á koddann í kvöld. Í hádeginu var ég á frábærum fundi hjá SÁÁ þar sem ég hitti Heiðursmenn þeirra samtaka og var virkilega gaman að fá tækifæri til að hitta þá og fara yfir sviðið með þeim. Eftir síðan frekar erfiðan dag á kosningaskrifstofunni þá var kvöldið afar ánægjulegt og skemmtilegt. Við frambjóðendur vorum á hraðstefnumótarfundi með flokksmönnum í austurhluta borgarinnar þar sem var vel mætt og virkilega góðar umræður. Þetta eru krefjandi fundir og maður verður að gefa sig allan í þetta en það var svo sannarlega skemmtilegt.  Góða nótt

Athugasemdir

[Heimir Lárusson Fjeldsted, 6.3.2009 kl. 10:47]

Móðurmálið fátækt er,

margar enskar slettur.

Haldi fram sem horfir hér,

hún af lista dettur.

[Jórunn Ósk Frímannsdóttir , 6.3.2009 kl. 10:58]

Góð athugasemd Heimir, þetta mun heita hraðstefnumót á íslensku og set ég það hér með í textann.  Annars reyni ég yfirleitt að nota okkar góða móðurmál og skal leggja mig enn betur fram um það, var algerlega tóm í gærkvöldi og gat ekki munað hvað þetta heitir, enda aldrei farið á slíkt stefnumót áður.

[Heimir Lárusson Fjeldsted, 6.3.2009 kl. 11:13]

Batnandi Jórunni er best að lifa.

Styð þig heilshugar