Sveitarfélögin sem standa að Strætó bs niðurgreiða nemakort um helming

Sveitarfélögin á höfuðborgarsvæðinu greiða niður hvert nemakort sem framhalds- og háskólanemendur kaupa hjá Strætó bs. um 15.000 krónur. Aðstæður verða betri í vetur en áður til leggja stund á vistvænan ferðamáta á höfuðborgarsvæðinu. Sveitarfélögin sem standa að rekstri Strætó bs felldu niður gjald fyrir sína framhalds- og háskólanemendur síðastliðin tvö skólaár að undanskildum Garðabæ sem fór aðra leið seinna árið. Verkefnið hefur gefist afar vel og notið vinsælda nemenda og farþegum fjölgað jafnt og þétt. Í könnun sem gerð var meðal námsmanna kom fram að 80% námsmanna sem fara í strætó á annað borð gera það vegna kortanna, og að hópur nemenda hætti við að kaupa einkabíl vegna þeirra.

Nemendur geta á næstu dögum sótt um og greitt fyrir nemakortin á straeto.is en Strætó bs hefur umsjón með framkvæmd þessa verkefnis.

www.straeto.is  

Athugasemdir

[Einar Guðjónsson, 25.8.2009 kl. 19:45]

Góð auglýsingum að þið séuð að gera eitthvað en sveitarfélögin eru ekki að niðurgreiða neitt. Þið eruð að ráðstafa skattfé íbúa í Reykjavik í þágu tiltekinna skattgreiðenda ( sennilega allra því götueyðsla og mengun minnka )Peningarnir koma frá skattgreiðendum og renna aftur til skattgreiðenda. Best að nefna það hér til upplýsinga að athugasemdir á þessari bloggsíðu birtast ekki án samþykkis Jórunnar.

 Að lokum legg ég til að sveitarfélög per se séu lögð niður. Þau eru löngu úrelt og allt sem þau gera gera þau illa.Yfirstjórn í ólestri. Stofnum í staðinn skólasamlög borgaranna og tryggingasamlag um félagsþjónustu og menningarsamlag um rekstur bóksafna og menningarstarfssemi. Látum skipulag ríkisins um aðalskipulag í samvinnu við íbúa til t.d. 25 ára. Vegagerðina um gatnagerð og sorpsamlag um sorpið. Við þetta færi útsvarið niður í 4% prósent og fasteignaskattar leggðust af.

Lóðabraskið yrði eingöngu á forræði prívatbraskara.