Borgarstjórn Reykjavíkur og traust almennings

9% traust borgarbúa er afar lítið traust og ljóst að við þurfum öll sem eitt að líta í eigin barm og velta því fyrir okkur hvað við getum gert til þess að vinna aftur traustið.  Við gerum það ekki með því að benda hvert á annað. 

Við vinnum aftur traust með málefnalegri umræðu um þau mörgu og mikilvægu verk sem okkur er treyst fyrir hér í borginni.  Við vinnum aftur traust með því að taka ákvarðanir og framkvæma í þágu borgarbúa.

Við sem skipum meirihluta í borginni í dag erum þegar farin að láta verkin tala, við byggjum okkar störf á málefnasamningi sem við vinnum eftir.  Við vonum svo sannarlega að við munum öðlast traust borgarbúa þegar fram líður og við höfum sýnt það og sannað að við erum traustsins verð.