Þjóðarsátt um tillitssemi

10.1.2008 | 12:31

Ég las Morgunblaðið spjaldanna á milli í morgun eins flesta morgna þessa dagana. Þar sá ég góða grein eftir Einar Kárason, rithöfund. Greinin var ekki stór en sagði svo margt. Þar var hann að fjalla um það hvernig fjölskyldur þeirra sem í forystunni eru verða fyrir hreinlega "aðkasti" vegna þess að vera nátengd þeim sem í eldlínunni standa. Tekur hann þar dæmi um Þorstein Davíðsson sem varla er nefndur öðruvísi en að hnýtt sé aftan við að hann sé sonur Davíðs Oddssonar og auk þess tekur hann dæmi af því að reynt hafi verið að gera þýðingarstörf Hjörleifs Sveinbjörnssonar tortryggileg vegna þess að hann væri eiginmaður Ingibjargar Sólrúnar. Einar leggur til að við sammælumst um það að láta fjölskyldur þjóðþekktra persóna í friði og vill hann þjóðarsátt um það.

Ég styð það að við gerum með okkur þjóðarsátt um að sýna fjölskyldum þeirra sem í eldlínunni standa ákveðna tillitssemi.

Flokkur: Stjórnmál og samfélag | Facebook

Athugasemdir

Tek svo hjartanlega undir þessi orð. Vil samt gera þá athugasemd að ég ef ekki séð menn hnýta í Þorstein Davíðsson eða persónu hans nema í einhverjum undatekningatilfellum.

Hitt er aðalmálið að Árni Mathiesen settur dómsmálaráðherra gerði Þorsteini mikinn óleik og röksemdafærsla Árna fyrir ráðningunni er sú aumasta sem ég hef séð. Mér sem sjálfstæðismanni er hreinlega misboðið vegna þessa og það er ekkert skrítið þótt fólk setji ráðninguna í flokkspólitíkst líki. Þorsteini sem ég þekki ekki neitt og er örugglega ágætismaður, vorkenni ég.

Maður skal stöðu prýða en ekki staða mann.

Sveinn Ingi Lýðsson, 10.1.2008 kl. 17:58

Já þetta var ágætt. Ég heyrði Guðmund Ólafsson hagfræðing segja þetta sama í viðtali við Sigurð Tómasson á útvarpi sögu - Sigurður varð kjaftstopp aldrei þessu vant:)

Þorsteinn Sverrisson, 10.1.2008 kl. 21:54