Hvað gerir Dagur þá

Hvernig bregst nýr borgarstjóri við þessu.  Kannski átti hann von á því að Kristján L. Möller samgönguráðherra kæmi með þetta útspil.  Hver veit nema Dagur hafi beðið um það. 

Þetta leysir hugsanlega einn vanda sem nýr meirihluti stóð frammi fyrir, en það var að taka ákvörðun um framtíð flugvallarins.  Dagur vill flugvöllinn burt, en Margrét vill hafa hann á sínum stað og hlaut sennilega sitt sæti í borgarstjórn út á það að vilja ákveðið hafa flugvöllinn þar sem hann er.  Reyndar er Margrét hvergi í flokki, allavega ekki í Frjálslynda flokknum svo sennilega getur hún bara skipt um skoðun eftir því hvernig vindar blása.

Samgönguráðherra vill ekki færa Reykjavíkurflugvöll

Athugasemdir

[Steini Briem (IP-tala skráð) 18.10.2007 kl. 12:34]

Magga er varaformaður Íslandshreyfingarinnar, þannig að við verðum að gera ráð fyrir að hún sé að minnsta kosti í þeim flokki, Jórunn mín Ósk.

[Sigurður Þórðarson, 18.10.2007 kl. 13:52]

Þetta er varla stórmál. Heltur þú virkilega Jórunn að þeim þyki ekki of vænt um stólana til að láta steyta á þessu?

Þegar Magga bauð sig fram undir merkjum Íslandshreyfingarinnar vildi hún láta skoða að flytja flugvöllinn á Hólmsheiði.  Núna virðist hún hafa snúið baki við Íslandshreyfingunni.   

[Stefán (IP-tala skráð) 18.10.2007 kl. 16:26]

Magga er náttúrulega svo áttavillt í pólitíkinni að hún gæti þess vegna stutt flugvallastaðsetningar hvar og hvenar sem hentar hennar stólsetu.

[Herdís Sigurjónsdóttir, 18.10.2007 kl. 16:46]

Þetta kemur mér ekki á óvart með Kristján Möller, en athyglisvert verður að sjá í hvaða farveg þetta fer í hjá Reykjavíkurlistanum.

[Árni Gunnarsson, 18.10.2007 kl. 19:40]

Hvað olli þessu dularfulla hvarfi á ræðunni þinni af bloggsíðunni Jórunn?

Eins og við munum vorum við Hreiðar Eiríksson farnir að spjalla við þig.

Vorum við svona leiðinlegir?

[Baldvin Jónsson, 19.10.2007 kl. 00:01]

Ræðan ekki horfin svo sem Árni vegna tækninnar, en athugasemdirnar fylgja þó ekki.  Viðist sem að Google (ný skammstöfun fyrir guð held ég) geymi allt sem á netið fer:  http://64.233.183.104/search?q=cache:auwvMl9L9mcJ:jorunnfrimannsdottir.blog.is/blog/jorunn/entry/339635/

Sá þennan tengil inni á blogginu hjá Pétri framsóknarmanni og ofurbloggara á http://eyjan.is/hux/2007/10/18/sa-a-fund/#comments

Maður þarf jú að passa sig hvað maður opinberar. Það svo mikið svoleiðis ;)

[Baldvin Jónsson, 19.10.2007 kl. 00:03]

Langar samt að bæta því hérna við Jórunn að mér finnst ánægjulegt að hafa starfandi borgarfulltrúa aktíva hérna á blogginu. Eru fleiri sem eru að skrifa?