Einföldu leiðina

Vilhjálmur Þ. Vilhjálmsson lagði það til í borgarstjórn í gær að borgarstjórn samþykkti að styðja málsókn sem Svandís höfðaði um lögmæti fundarins.  Þannig mætti ógilda þær samþykktir sem gerðar voru á fundinum. 

Dagur brást við og sagði það útaf fyrir sig merkilegt, ef eftir allt sem á undan væri gengið yrði niðurstaða sjálfstæðismanna sú, að taka undir bókun Svandísar á eigendafundinum. Svandís þagði þunnu hljóði og tjáði sig ekki um þetta.  Það hefði verið borðleggjandi að klára þetta mál með þessum hætti a´fundinum, en þau kusu að vísa málinu í borgarráð því taka þyrfti afstöðu til þess hvort þetta væri heppileg leið.  Og ekki vantaði faguryrðin, því takast þyrfti bandalag um frið, fumleysi og ábyrgð í hverju skrefi.

Það kom aukin heldur fram í fjölmiðlum í dag að ekki eru þau tilbúin til þess að taka þessa tillögu til afgreiðslu í borgarráði á morgun.  Nei nú skal vísa þessari einföldu tillögu áfram inn í stefnumótunarvinnu um málefni orkuveitunnar.  Alveg frábært, svona skal málið róað og kælt niður og helst svæft. 

Æ vonandi koma öll kurl til grafar í þessu máli og vonandi hefur nýr meirihluti dug til þess að taka á þessu máli af festu og öryggi og hættir ekki fyrr en allt er komið upp á yfirborðið.

Athugasemdir

[sveinbjörn (IP-tala skráð) 18.10.2007 kl. 14:02]

Sæl Jórunn vonandi er runnin af þér reiðin,

þú varst þér til skammar en vonandi nærðu að halda heilsu.

Held að Björn Ingi hafi ekki á annara völ en að slíta þessu.