Jórunn Ósk Frímannsdóttir

Jórunn Ósk Frímannsdóttir Jensen fædd 1968, gift Sigurbirni Jónassyni og eiga þau þrjú börn. Tvo syni fædda '90 og '91 og dóttur fædda '97.
Móðir Jórunnar er Þórunn Jensen frá Eskifirði og faðir hennar er Frímann Gústafsson frá Siglufirði. Fósturfaðir Jórunnar var Kristinn Óli Kristinsson. Jórunn er með B.Sc. próf í Hjúkrunarfræði og er að ljúka Meistaranámi í Opinberri stjórnsýslu. Jórunn er Borgarfulltrúi Sjálfstæðisflokksins, formaður Velferðarráðs, formaður Strætó bs og formaður Knattspyrnufélagsins Þróttar í Reykjavík.  Jórunn situr auk þess í stjórn Faxaflóahafna, Framkvæmda- og eignaráði og er varamaður í stjórn Orkuveitunnar.

Verkin tala
Þau ár sem Jórunn hefur verið í forystusveit í borginni hafa verkin talað. 

• Niðurgreiðslu í félagslega leiguíbúðakerfinu var breytt í einstaklingsbundinn stuðning við greiðslu leigu, óháð því hvort leigt væri af Félagsbústöðum eða á almennum leigumarkaði.
• Stefna í málefnum utangarðsfólks varð að veruleika haustið 2008 og unnið er að stefnu fyrir Velferðarsviðið í heild. 
• Undir forystu Jórunnar tókst að sameina heimahjúkrun og heimaþjónustu í Reykjavík. Það var risastórt skref í átt til bættrar þjónustu við þá sem þurfa aðstoð við sjálfstæða búsetu.
• Jórunn er í hópi sem nefnist Vive, skammstöfun fyrir virkari velferð og er það áhugahópur sem vinnur að því að koma á notendastýrðri þjónustu. Þjónustu á forsendum notandans en ekki þjónustuveitandans.
• Byrjað var að flytja málefni geðfatlaðra til borgarinnar svokallað Straumhvarfaverkefni og er unnið að því að öll málefni geðfatlaðra flytjist til borgarinnar.
• Lögð hefur verið mikil áhersla á forvarnarmál jafnt fyrir unga sem aldna og tilboðum um átaks- og endurhæfingarverkefni fjölgað.
• Jórunn hefur leitt vinnu stýrihóps um uppbyggingu fyrir aldraða allt þetta kjörtímabil. Þar hafa verið teknar ákvarðanir um byggingu yfir 300 þjónustu- og öryggisíbúða og farið í ýmis tilraunaverkefni í þágu aldraðra s.s. forvarnir eldri borgara, öryggissíma og heimsóknir til aldraðra svo fátt eitt sé talið. 
• Undir forystu Jórunnar í Strætó bs hefur verið mótuð þjónustustefna fyrir fyrirtækið og er fyrirtækið nú í endurfjármögnunarferli og verið er að endurskoða stofnsamþykktir byggðasamlagsins með það fyrir augum að skíra og skilgreina betur eigendasamkomulag, stjórnarfyrirkomulag og stýringu.
• Undirbúningur er í gangi á Velferðarsviði við að taka yfir málefni fatlaðra í heild sinni og er Jórunn í vinnuhópi hjá Félagsmálaráðuneytinu varðandi búsetumál fatlaðra sem er einn hlekkur í undirbúningi flutningsins.
• Jórunn hefur starfað af krafti í foreldrastarfi Þróttar í fjölda ára enda með þrjú börn í knattspyrnudeild félagsins. Jórunn tók við formennsku í félaginu vorið 2008.  Lifi Þróttur!